本來昨晚係某人同我去食生日飯，無錯，係生日飯。我生日已經過左一個月零三日。唔緊要，我唔介意一個月後先食，因為大家時間夾唔到。遲同早不是問題，有心就夠了。

昨日由朝到晚都去左湊客，晨早同老闆邊食早餐邊預備開會資料，然後去酒店接客人去開漫長又奄悶又死結的會，再去應酬午飯，帶個客去睇trade show再陪佢去飲酒吹水。務求黃昏前滿足到佢送佢回酒店就可以昨晚好好地食飯聚舊。到接近五點，打電話諗住話俾某人聽我隨時走得，無人聽，後來掛住同個客傾計miss左call，call back問我做乜唔聽電話，我話做緊野。我問點安排，佢話佢今日好累，介唔介意改期。

我「嗯」左一聲，佢話一係改星期日啦，我話要回公司睇schedule，佢問我係咪約左人，我話個客黎左 weekend 可能要照顧佢。我話遲d 再約。

好嬲，嬲原因之一係到五點先話取消，我一心趕頭趕命 settle 好個客都係為左餐飯。原因二，如果我唔先打電話俾某人的話，某人係咪諗住唔講？

其實我昨日東奔西跑左一日都好累，但係我真係好想同某人食飯，我地都好耐無坐低慢慢傾計。嗯，我諗朋友呢個範籌已經係某人心目中比愛人位置低啦。我又明白，每人追求既東西都唔同既。

總之，今次被放飛機就好嬲啦！